Ev tikintisi

Ev tikintisi torpaq sahəsində yaşayış üçün nəzərdə tutulmuş binanın sıfırdan inşa olunması prosesidir. Bu prosesə layihələndirmə, təməl qazılması, beton işləri, divarların hörülməsi, dam örtüyü, kommunikasiya xətlərinin çəkilməsi və daxili təmir işləri daxildir.
XiDMETLER.AZ üzərindən fərqli ev tikintisi xidmətləri təqdim edən ustalar və tikinti komandaları ilə tanış olmaq mümkündür.

Ev tikintisi xidmətinə hansı işlər daxildir?

İlk mərhələdə torpaq ölçüləri və layihə nəzərə alınaraq təməl işləri görülür. Daha sonra beton tökmə, armatur quraşdırılması və daşıyıcı konstruksiyalar hazırlanır. Divar hörgüsü zamanı istifadə olunan materialın növü həm istilik saxlamasına, həm də möhkəmliyə təsir edir. Mişar daşı, kərpic və ya beton blok seçimi evin xüsusiyyətinə uyğun aparılır.
Dam örtüyü ayrıca vacib mərhələ hesab olunur. Çünki düzgün bağlanmayan dam sonradan nəmişlik və su sızması yaradır. Elektrik xətləri, su sistemi, kanalizasiya və kombi xətləri də bu xidmətin daxilində olur. Keyfiyyətli tikintidə kabellər qarışıq şəkildə yox, plan üzrə çəkilir. Sonradan divar qırılması və əlavə xərc yaranmaması üçün bütün nöqtələr əvvəlcədən hesablanır.
Tam təhvil xidmətinə daxili təmir işləri də daxildir. Döşəmə, boya, alçıpan, qapılar, tavan sistemləri və sanitar qovşaqlar yekun mərhələdə tamamlanır. İnsan evə daxil olduqda əlavə ağır tikinti işi görmədən yaşayışa başlaya bilir.

Ev tikintisi xidmətlərinin qiyməti

XiDMETLER.AZ saytında tikiləcək evin ölçüsü, mərtəbə sayı, istifadə olunan material və görüləcək işlər yekun məbləğə təsir edir. Sadə tikinti işlərində qiymətlər 350-600 AZN arasında dəyişə bilir. Tam təmirli və yüksək keyfiyyətli evlərdə isə bu rəqəm 800-1500 AZN və daha yüksək ola bilər. Təxminən 100 kvadratmetr orta səviyyəli bir evin tikintisi 40 000 AZN-dən başlayaraq 120 000 AZN və daha yüksək məbləğə çata bilər. Əgər evdə hovuz, qaraj, kombi sistemi və xüsusi fasad işləmələri tutulursa ümumi xərc daha da artır.

Ev tikintisi zamanı ən çox hansı səhvlərə yol verilir?

Tikintidə ən böyük səhvlərdən biri plansız iş aparılmasıdır. Layihəsiz tikilən evlərdə sonradan otaq bölgüsü, pilləkən ölçüsü və kommunikasiya xətləri problemləri yaranır. Digər geniş yayılmış səhv keyfiyyətsiz material seçimidir. Bəzi hallarda yalnız qiymətə görə alınan məhsullar bir müddətdən sonra özünü doğrultmur. Zəif sement və ya normadan aşağı armatur istifadə edildikdə konstruksiya dayanıqlılığı azalır.
Nəzarətsiz tikinti də ciddi problemlər yaradır. Ustaların işi yoxlanmadıqda divar səviyyələri, beton qalınlığı və xətt çəkilişləri düzgün olmaya bilir. Sonradan əyri divarlar, su sızmaları və elektrik problemləri ortaya çıxır. Başqa bir səhv isə kommunikasiya xətlərinin plansız yerləşdirilməsidir. Su borusu və elektrik xətləri qarışıq şəkildə çəkildikdə gələcək təmir işləri çətinləşir.