Lazer epilyasiyası haqda bilmədikləriniz

Lazer epilyasiyası aparat əməliyyatları arasında son zamanlar geniş yayılıb. Şəhərin bütün gözəllik salonlarında lazer epilyası əməliyyatlarının reklamları ilə qarşılaşmaq mümkündür. Bununla yanaşı, gözəllik salonlarının sosial şəbəkə hesablarında da, lazer epilyasiyası reklamları ilə qarşılaşırıq. Qiymətlər isə gündən-günə daha da ucuzlaşdığı üçün bu, hər kəsin diqqətini çəkir. Lazer epilyasiyası prosedurlarına daha çox qadınlar müraciət edir.
Azərbaycanda bütün gözəllik salonlarında lazer epilyası xidmətləri təklif edilir. Odur ki, lazer epilyası üçün müraciət etdiyiniz zaman getdiyiniz yeri araşdırıb gedin ki, sonradan problem yaşamayasınız.
Lazer epilyasiyasının bir neçə riski var: Bu, dərinin yanması və hormonal dəyişiklik olarsa, tüklərinizin yenidən çıxmasıdır. Bununla yanaşı, lazer epilyasiyası edilmiş nahiyədə piqmentasiya meydana gələ bilər. Açıq yerlər lazer epilyasiyası edildiyi zaman prosedurdan öncə və sonra günəş şüalarına qarşı vasitələrdən istifadə etməlisiniz.
Lazer epilyasiyasının üstünlükləri:
Tüklərin təmizlənməsi üçün lazer epilyasiyası ideal prosedurdur. Prosedur tükləri birdəfəlik yox etmir, amma əhəmiyyətli şəkildə azaldır.
Epilyasiya bütün nahiyələrdə; üzdə, qoltuqaltında, kürəkdə, əllərdə, ayaqlarda, bikini nahiyəsində və qarında aparıla bilər.
Dəri açıq, tüklər tünd olduğu halda, lazer epilyasiyası xüsusi effekt verir.
Lazer epilyasiyası ağrılı prosedur deyil. Prosedurun verdiyi ağrı "lezva" ilə təmizləmə və voskla təmizləmə arasında olan ağrıya bənzəyir.
Mütəxəssislər lazer epilyasiyası prosedurundan öncə və sonra həmin nahiyəni xüsusi sistemlə soyudurlar. Hər prosedurdan sonra ağrı bir qədər də azalır və tüklər daha da incəlir.
Müştərilərin çox hissəsi 4-cü və ya 6-cı seansdan sonra əla nəticə əldə edə bilirlər.