Istanbul turu

İstanbul Türkiyənin şimal-qərbində yerləşir və onu digər şəhərlərdən fərqləndirən əsas xüsusiyyət Avropa ilə Asiya qitələrini birləşdirməsidir. Bir tərəfdə Avropa hissəsi yerləşir. Burada daha çox tarixi məkanlar, qədim tikililər və turistik nöqtələr toplanıb. Digər tərəfdə isə Asiya hissəsi var və bu ərazi daha sakit, yaşayış yönümlü mühit ilə seçilir. İstanbul həm hava, həm quru, həm də dəniz nəqliyyatı baxımından regionun ən vacib qovşaqlarından biri hesab olunur.
Xidmetler.az-da İstanbulun tarixi və əhəmiyyətini, görməli yerlərini, tur qiymətlərini və səyahət zamanı bilməli olduğunuz əsas məqamları öyrənəcəksiniz.

İstanbulda görməli yerlər

Ayasofya İstanbulun ən güclü simvollarından biridir və burada diqqəti ilk çəkən şey miqyasdır. İçəri daxil olanda tavanın hündürlüyü, günbəzin ölçüsü və detallardakı incəlik gğz qamaşdırır. Bu tikili həm kilsə, həm məscid kimi istifadə olunub. Sultan Əhməd məscidi xarici görünüşü ilə diqqət çəkir, amma əsas təsir daxildə hiss olunur. Mavi rəngli çini işləmələri məscidə fərqli atmosfer verir. Gün ərzində işıq pəncərələrdən daxil olduqca məkanın görünüşü dəyişir. Topqapı Sarayı Osmanlı idarəçiliyinin mərkəzi olub və bu gün də həmin sistemin necə işlədiyini hiss etdirmək gücündədir. Saray bir binadan ibarət deyil, bir neçə həyət və bölmədən ibarətdir. Hər hissənin öz funksiyası olub və bu quruluş dövrün idarəetmə modelini göstərir.
Qalata Qülləsi şəhəri anlamaq üçün ən yaxşı nöqtələrdən biridir. Yuxarı qalxdıqda İstanbulun necə qurulduğu açıq şəkildə görünür. Köhnə şəhər, yeni tikililər və su xətti bir panoramda birləşir. İstanbul Boğazı üzərində gəmi ilə hərəkət edərkən şəhərə baxış tam dəyişir. Qurudan gördüyün binalar su üzərindən fərqli görünür. Sahil boyunca uzanan saraylar, evlər və körpülər İstanbulun yalnız mərkəzdən ibarət olmadığını göstərir

İstanbul turlarının qiyməti

Xidmetler.az-da sadə paketlərdə əsasən nəqliyyat və qısa proqram olur və qiymətlər təxminən 150-250 AZN aralığında dəyişir. Orta səviyyəli paketlərdə otel, səhər yeməyi və daha geniş proqram daxil olur. Bu zaman qiymət 300-600 AZN civarında olur. Premium seçimlərdə isə yüksək komfort, fərdi yanaşma və əlavə xidmətlər təqdim edilir və qiymətlər 700 AZN-dən başlayır.

İstanbul səyahəti zamanı faydalı məsləhətlər

İstanbul böyük və hərəkətli şəhərdir, ona görə planlı hərəkət etmək vacibdir. Rahat ayaqqabı seçin, çünki çox gəzəcəksiniz və yollar bəzən yoxuşlu olur. Gedəcəyiniz yerləri əvvəlcədən müəyyənləşdirin ki, vaxt itirməyəsiniz. İstanbul metrosu və İstanbulkart istifadə etmək daha rahat və sərfəlidir. Çünki sıxlıq səbəbindən taksi hər zaman məqsədəuyğun deyil.
Yanınızda müəyyən qədər nağd pul saxlamaq faydalıdır. Yemək seçərkən daha çox istifadə olunan və təmiz məkanlara üstünlük verin. Alış-veriş zamanı qiymətləri müqayisə edin və izdihamlı yerlərdə əşyalarınıza diqqət edin. Telefonunuzda xəritə tətbiqləri istifadə etmək və ara-sıra fasilə vermək isə səyahətinizi daha rahat və yorulmadan keçirməyə kömək edəcək.