Evin təmirini nədən başlamaq lazımdır?
Evin təmirini ilk öncə onun dizaynından başlamaq lazımdır. Təyin etdiyiniz dizaynın nəzərdə tutduğunuz büdcəni aşmaması üçün kiçik nüansları dəqiq araşdırmalısınız. Əgər mənzil dizaynı haqqında geniş bilgilərə malik deyilsinizsə, bunu peşəkarlara həvalə edə bilərsiniz.
Dizaynı başlamaq üçün ilk öncə təmir olunacaq otaq və ya mənzilin hansı funksiyanı daşayacağını, mənzildə kimlərin yaşayacağını müəyyən etmək lazımdır.
Mənzilin tərzi və rəng çalarları da vacib amillərdən biridir. Mənzildə yaşayan insanlar üçün burada vaxtlarını keçirmək komfortlu və xoş olmalıdır. İnteryerdə olan rənglərin çox böyük əhəmiyyəti vardır və bu rənglər insanın psixoloji vəziyyətinə ciddi təsir göstərə bilər. Mənzilin tərzi birbaşa mənzil sahibinin hobbilərindən və yaşayış tərzindən asılıdır. Ev sahibinin hər hansı bir hobbisi və ya marağı varsa, mütləq evində də dekorasiya üçün həmin detallardan istifadə olunmalıdır (maraqlı şəkillər və ya incəsənət əsərləri və s).
Otaqların ölçüləri: Əlbətdə ki, hamımız böyük saraylarda yaşamaq arzusundayıq. Lakin realist olub və əlimizdə mövcud olan imkanlara baxmaq lazımdır. Bizim məqsədimiz - əşyaları mənzilə harmoniya ilə yerləşdirməkdir.
Kiçik mənzillərdə, məsələn, böyük mebeli, çılçıraqları yerləşdirmək çətindir. Bu cür mənzillərin dekoru adətən daha açıq rənglərdə, lokanik, böyük olmayan mebel ilə yerləşdirilir. Və əksinə, böyük sahəli mənzillərdə xırda elementli mebel zövqsüz görünəcəkdir. Bu cür mənzillər üçün qeyri-adi layihələr yaratmaq və həyata keçirmək maraqlı olacaqdır. Bu səylərin nəticəsində gözəl, rahat, səmərəli və illər boyu gözünüzü oxşayan tərz əldə edəcəksiniz.
Dizayn və interyerin proyekti: Bu mərhələdə siz professionalların bilik və bacarağından istifadə etmək və ya öz potensialınıza güvənməli olduğunuza qərar verirsiniz. Birinci halda, seçdiyiniz və ya tanışların məsləhət gördüyü dizayn studiyasına müraciət edirsiniz. Adətən bu studiyalarda müxtəlif tərzlərdə çalışan bir neçə dizayner olur. Bu yanaşmanın bir çox müsbət cəhədləri vardır. Belə ki, bu zaman evinizin layihəsi və tərtibatı professionallar tərəfindən həyata keçiriləcək və bütün xırda detallar nəzərə alınacaqdır. Dizayn studiyalarında dizaynerlər fikrinizi nəzərə alaraq və zövqünə uyğun dizayn hazırlayacaq. Belə xidmətin bir mənfi cəhəti odur ki, bu xidmət ödənişlidir.
Sonra mənzil təmirinin qiyməti (smetası) hazırlanmalıdır, yəni təmirə dəqiq nə qədər pul xərclənəcək: istehlak və üzlük materialları, alətlər, nəqliyyat, ustaların əmək haqqı, zibilin daşınması və digər gözlənilməz xərclər.
Daha sonra dizayna uyğun santexnika, dayaqlarının qoyulması, elektrik xətlərinin, astar, üzlük, suvaq, o cümlədən döşəmənin, tavanın rənglənməsi, santexnika qovşağının kafel, metlax ilə üzlənməsi, divar kağızının vurulması, parketin laklanması işləri gəlir.
